chda

Thansanga & Sons Scavenger Rock Idol chu Inrinni zan khan neih zawh a ni ta a. He Rock Idol-ah hian band tha leh thiam ber atan Stacy’s Penitence thlan an ni a. An band atangin mimal angah pawh lawmman la an awm nual mai.

Mizo band engemaw zatin a tan dawn niah an tel theih loh tur thu an sawi chian chauh avangin a buatsaihtute pawh an ti buai hle a. Mahse, heng buaina zawng zawng karah hian Mizo band – intihsiakna hmachhawn ngam an la awm a, a tawpah chuan hlawhtlinna an hmu nghe nghe.

Stacy's Penitence (pic by : Chhuaha)

Thansanga & Sons Scavenger Rock Idol chu nimin khan tan a ni ta. A ni khatna atangin ngaihven a hlawh tih a chiang, Vana Pa Hall-ah rocker rual an fuankhawm a, entu mipui pawh an tam ve hle. Mahse, Mizo band zingah tel tura inziaklut tawh. Last minute-a thulh leh thut an awm nual! An tel ngam thlawt lo a ni thei ang em?
He Rock Idol-ah a tan hma khan band tel tur an thahnem viau a, ‘demo’ thehlut zinga a tha nia tlingte chu band 23 an ni. Mahse, a tha zual lawrkhawm zinga tel tur anga ti fel tawh zingah a tanni, last minute tak meuha band thulh leh an awm nual a. He’ng zingah hian Mizo band an thahnem fal nalh a. Tel tura tih chian vek tawh tan dawna tel leh ngam si lo an ni thei mai ang em?

The JUDGES : Vei lam sir ber atangin - Khriezo Naga, PB Lianthangpuii, Atea & Reuben Pachuau. (pic : Aitea)

Eng a ti nge maw ni dawn ta le? A che ‘hit’ lo ve khawp mai. Sap ho tih dan a entawn kan tihsak dawn nge, a tla chhe ta lua e kan ti zawk dawn? Mizo Idol contestant hlui pakhat chuan man a tawk.

Thansanga & Sons Scavenger Rock idol chu April ni 19, 2012 khian an tan tawh dawn a. Inbuatsaihna pawhin a vawrtawp a thleng dawn ta e. April ni 1, 2012 kha he intihsiaknaa tel tumte tana ‘demo’ thehluh hun tawpna ni chu a ni.

He Rock Idol hian a bik takin ram pawn lama awmte a hip hle. Demo theh luh hun tawpniah Mizo band 7 velin an tel tur thu an tih chian laiin, ram pawn atangin band 30 chuangin ‘demo’ an rawn thehluh a. He’ng zingah hian North East an tam ber a, Nepal atang pawhin band pakhatin hming a pe lut.

March ni 20, 2012 khan XXVI North East Games chu Mizoram Chief Minister chuan a hawng ta rup a. He infiamna kutpui hi Mualpuia Rajiv Gandhi Stadium sak mekah hawnna inkhawm hman danah erawh duhthu a va sam lo lulai em.
XXVI NE Games atan hian Mizoram sawrkar leh infiammi inbuatsaihna a tha thawkhat viau a. Infiammi te phei chu tun tumah hian kan neih thawh chhuah that ber a la ni ang an ti hial a nih kha. Chutih rual erawh chuan a hawnna inkhawmna hun hman dan thenkhat erawh khual-mite hmuh atana itawm lo tak tak a awm fo a. Hei hi ruahmanna felfai loh vang nge kan la inpeih tawk loh vang ni ang le?

Chapchar Kut 2012 chu kan hmang zo leh ta a. Mizote Kut ngaihhlut hlawh ber hi a hman danah sawisep a kai nual a. Cultural Show nge Kut kan hmang tih lam hawi zawngin tunlai thalaite tuipui em em mai, internet kaltlanga inkawmkhawmna hmun Facebook-ah chuan an sawi zui nasa hle a. A bik takin Bihu Dance hian sawi a hlawh zual. Kan zaithiam te pawh an che tha vek bik love! Chapchar Kut 2012 chu lo phelhchiang chhin teh ang —

Engnge kan sawi tak ang le? Hlauhawm zawng a hnai a ni ngat mai. Tanpui ngaite tanpuitu ni thin kha mi dangte chanvo chanpuitu a ni ta!

Kan Zosapte kaihhruaina leh enkawlna hnuaia din a nih atanga tun thlengin kan Mizo thalaite zingah mai nilo, nu leh pa, naupang atanga tar thlengin YMA hian dinhmun pawimawh tak a luah chhova. Mizo hnam chauhvin kan neih, khawvela ‘Tlawmngai Pawl’ awmchhun anga mi tam takin kan chhal leh kan uanpui thin YMA thuchhuak chu kan zah a, kan chhuang a, tute pawhin kan chung en larh mai a ni.

Tlangvala chu a lennaah “Thangthar ho lah hi, thawveng deuh deuh hian in leng in leng ringawt a. Hranghluite ba hi in la rochun dawn khawp mai,” tih ri a hriat chuan Thalai ve tawk ni a inngai Tlangval-a, mahni tawka ram lo vei ve em em mai rilru a deng sawm hneh hle. Chu thu chuan chawp leh chilhin a tisa leh thlarau lam thlengin a fang chhuak hneh nghal chat a. Tui taka muthilh aiin chu thu a ngaihtuahna lamah Tlangvala chu a harh tulh tulh zawk si. A ngaihtuah chian poh leh a rilru a hah zual ting a. Ngaihtuahloh a tum lahin a thinglung chhungril chu chu thu chuan a rawn mawlh nasa zual sauh a. A dinhmun tur tak chu hriatthiampui chiahlo mah ila a mang chu a ang ve thawkhat ang tih chu a hriat mai.

February ni 31, 2012 khan Hortoki ramchhunga awm, Meidum bul leihnuaia Gas an laih chhuahna hmun tia hriat chu chanchinbumite’n a hmunahkalin an tlawh a. He hunah hian ONGC hnathawkte’n gas a awm ngei a ni tih an finfuah thu an lo hrilh.Nimin khan Hortoki ramchhunga awm, Meidum bul leihnuaia Gas an laih chhuahna hmun tia hriat chu chanchinbumite’n a hmunah kalin an tlawh a. He hunah hian ONGC hnathawkte’n gas a awm ngei a ni tih an finfiah thu an lo hrilh.

Nikum chhunga thih chhan hrang hrang thlir let a nih hnuah, thih chhanah mahni inthat an tam hle a. Heng zawng zawngte hi NeLiCS tia an sawi, New Life Charity Society chuan an hriat theih chin an lo chhinchhiah dap a. Mahni inthat zingah kum danga thih dan hriat ngai lem loh te a awm nawk a, mahni inthat zingah thalai lam an tam hle a. Thalai mahni inthat zingah inngaihzawnna avanga nunna chan an tam hle a. Inngaihzawnna avanga mahni nunna pawh pawisa lova inthat duhna hial neia New Life Charity Society hmaa inpuang pawh an awm tam hle a. Mobile hmanga SMS hmang leh phone call tea an hnena tlan an tam hle. Mi tam tak nunna an chhan laiin chhan hman loh pawh a awm.